‘कुशावर्त’ कुंडात भाविकांना स्वच्छ, निर्जंतुक पाणी उपलब्ध होणार

• नाशिक – त्र्यंबकेश्वर कुंभमेळा प्राधिकरण–विश्वराज फाउंडेशन यांच्यात सामंजस्य करार 

नाशिक: एनजीएन न्यूज नेटवर्क

विश्वराज एन्व्हायर्नमेंट लिमिटेडची उपकंपनी असलेल्या विश्वराज फाउंडेशनने नाशिक-त्र्यंबकेश्वर कुंभमेळा प्राधिकरणासोबत कुशावर्त कुंड येथे येणाऱ्या लाखो भाविकांना स्वच्छ, निर्मळ आणि निर्जंतुक पाणी उपलब्ध करून देण्यासाठी सामंजस्य करार केला.कुशावर्त कुंड हे धार्मिक दृष्ट्या अत्यंत महत्त्वाचे स्थळ असून, गोदावरी नदीच्या पवित्र उगमस्थानाच्या प्रतीकात्मक स्वरूपामुळे या ठिकाणाला विशेष महत्त्व प्राप्त झाले आहे. दरवर्षी आणि वर्षभर लाखो भाविक येथे पवित्र स्नान करण्यासाठी आणि त्र्यंबकेश्वर मंदिरात दर्शन-पूजेसाठी येतात. त्यामुळे हे नाशिकमधील सर्वाधिक भेट दिल्या जाणाऱ्या धार्मिक स्थळांपैकी एक बनले आहे. या भागीदारीद्वारे विश्वराज फाउंडेशनचे उद्दिष्ट भाविकांना 24 तास स्वच्छ आणि शुद्ध पाणी उपलब्ध करून देणे आहे, जेणेकरून ते स्वच्छ आणि सुरक्षित वातावरणात धार्मिक स्नान आणि पूजा करू शकतील.

या भागीदारीबाबत बोलताना विश्वराज एन्व्हायर्नमेंट लिमिटेडचे न्यू इनिशिएटिव्ह्ज विभागाचे संचालक सारंग अरुण लखानी म्हणाले, “भारतामध्ये पाणी ही केवळ एक मूलभूत गरज नाही, तर ते आपल्या श्रद्धा, संस्कृती आणि सामुदायिक जीवनाशी अतिशय घट्टपणे जोडलेले आहे. या उपक्रमाद्वारे आम्ही केवळ स्वच्छ आणि सुरक्षित पाणी उपलब्ध करून देत नाही, तर लाखो लोकांसाठी धार्मिक आणि सांस्कृतिकदृष्ट्या महत्त्वपूर्ण असलेल्या या अनुभवाचे पावित्र्य जपण्यास मदत करत आहोत. ही भागीदारी पर्यावरण संवर्धन, जनसेवा आणि सांस्कृतिक वारसा जपण्याच्या आमच्या बांधिलकीला अधिक बळकटी देते. तसेच देशभरातील लोक आणि समाजावर दीर्घकाळ सकारात्मक परिणाम घडवून आणण्याच्या दिशेने हे एक महत्त्वाचे पाऊल आहे.”

हा उपक्रम विश्वराज फाउंडेशनच्या ‘4पी’ मॉडेल (पब्लिक, प्रायव्हेट, पार्टनरशिप आणि पीपल) द्वारे समाजात मोजता येईल असा सकारात्मक बदल घडवून आणण्याच्या व्यापक विचाराचे प्रतीक आहे. आपल्या सीएसआर उपक्रमांतर्गत फाउंडेशन महिला, युवक आणि विद्यार्थ्यांसाठी कौशल्य विकास केंद्रे चालवते, ज्यामध्ये संगणक प्रशिक्षण, स्पोकन इंग्लिश, शिवणकाम, स्टिचिंग आणि ब्युटी सेवा यांचे प्रशिक्षण दिले जाते, ज्यामुळे लोकांना रोजगार आणि उपजीविकेच्या चांगल्या संधी मिळण्यास मदत होते. याशिवाय, फाउंडेशन पाणी संवर्धन, सार्वजनिक सुरक्षा आणि सामुदायिक सहभागावर आधारित विविध सामाजिक उपक्रम राबवते. त्यामुळे दीर्घकाळ टिकणारे आणि मोठ्या प्रमाणावर राबवता येईल असे एक प्रभावी मॉडेल तयार होत आहे.

विश्वराज एन्व्हायर्नमेंट लिमिटेड बद्दल (पूर्वीचे नाव : विश्वराज एन्व्हायर्नमेंट प्रायव्हेट लिमिटेड)

विश्वराज एन्व्हायर्नमेंट लिमिटेड ही जलपुरवठा आणि सांडपाणी व्यवस्थापन पायाभूत सुविधा विकसित करणारी अग्रगण्य कंपनी असून, प्रक्रिया केलेल्या सांडपाण्याचा औद्योगिक पुनर्वापरावर तिचा विशेष भर आहे. कंपनीच्या जल व सांडपाणी व्यवस्थापन कार्यात पाणी शुद्धीकरण प्रकल्प, सांडपाणी प्रक्रिया प्रकल्प, औद्योगिक पाणी पुनर्वापर प्रकल्प आणि जल वितरण नेटवर्कची उभारणी व संचालन यांचा समावेश आहे. कंपनी दीर्घकालीन करारांद्वारे विविध प्रकल्प राबवण्यावर भर देते. तसेच पब्लिक-प्रायव्हेट पार्टनरशिप, हायब्रिड अॅन्युइटी मॉडेल, इंजिनिअरिंग, प्रोक्योरमेंट अँड कन्स्ट्रक्शन आणि ऑपरेशन आणि मेंटेनन्स (ओ अँड एम) सेवांच्या माध्यमातून विविध उपाययोजना उपलब्ध करून देते.

विश्वराजने 2011 मध्ये महाराष्ट्रातील नागपूर येथे भारतातील पहिला संपूर्ण शहरासाठी 24×7 पाणीपुरवठा प्रकल्प सुरू केला. तसेच कंपनीने 190 क्षमतेचा भारतातील पहिला आणि सर्वात मोठा सांडपाणी पुनर्वापर प्रकल्प विकसित केला आहे. 31 मार्च 2025 पर्यंत, विश्वराजची सांडपाणी पुनर्वापर पोर्टफोलिओची क्षमता 540 एमएलडीपर्यंत पोहोचली आहे. तसेच कंपनीकडे जलशुद्धीकरण आणि पुरवठा विभागात एकत्रित 2000 एमएलडी पेक्षा अधिक क्षमतेचे 30 पाणी शुद्धीकरण प्रकल्प आहेत. कंपनीच्या सांडपाणी प्रक्रिया विभागात 60 सांडपाणी प्रक्रिया प्रकल्पांचा समावेश असून त्यांची एकूण प्रक्रिया क्षमता 1700 एमएलडी पेक्षा जास्त आहे. यासोबतच देशभरात सुमारे 9900 किमीपेक्षा अधिक लांबीचे विस्तृत पाइपलाइन नेटवर्क आहे. ग्लोबल वॉटर इंटेलिजन्सने जाहीर केलेल्या ‘टॉप 50 प्रायव्हेट वॉटर ऑपरेटर्स’ यादीमध्ये कंपनीला जागतिक स्तरावर 24वा क्रमांक मिळाला आहे. (स्रोत: क्रिसिल अहवाल)