बंगळूरू : एनजीएन न्यूज नेटवर्क
कर्नाटकातील काँग्रेस आमदार के सी वीरेंद्र यांच्या घरी ईडीने छापेमारी केली आहे. छापेमारीदरम्यान 12 कोटी रुपये रोख, 6 कोटी रुपयांचे सुवर्णालंकार, चार वाहने आणि एक कोटी रुपयांचे परकीय चलन देखील जप्त करण्यात आले. गोव्यात प्रसिद्ध पपीज कॅसिनोसह सुमारे पाच कॅसिनो त्यांचे असल्याचेही तपासात उघड झाले आहे.
वीरेंद्र यांना मनी लाँडरिंग प्रतिबंधक कायद्याअंतर्गत (पीएमएलए) अटक करण्यात आली आहे. वीरेंद्र यांच्यावर बेकायदेशीर ऑनलाइन आणि ऑफलाइन सट्टेबाजीचा आरोप आहे. शुक्रवारी ईडीने वीरेंद्र यांच्या लपण्याच्या ठिकाणांवर छापे टाकले. वीरेंद्र हे चित्रदुर्ग मतदारसंघाचे प्रतिनिधित्व करतात.
Comments are closed.