महाराष्ट्र सरकारच्या क्वांटम उपक्रमांना मदत करण्याची योजना जाहीर
नाशिक : एनजीएन न्यूज नेटवर्क
आयबीएम (आयबीएम: एनवायएसई) ने मुंबईत आपले नवीन आयबीएम इंडिया क्लायंट एक्सपिरीयन्स सेंटर उघडल्याची घोषणा केली. या केंद्राचा उद्देश भारतीय कंपन्यांना एआय, हायब्रिड क्लाऊड आणि क्वांटम कम्प्युटिंग यांचा वापर करून व्यवसाय सुधारण्यात मदत करणे हा आहे. यासाठी आयबीएमने महाराष्ट्र सरकार सोबत एक लेटर ऑफ इन्टेन्ट (एलओआय) साइन केले आहे, ज्याद्वारे राज्याच्या क्वांटम उपक्रमांना समर्थन देण्याच्या संधी शोधल्या जातील. एलओआय मध्ये अशा क्षेत्रांचा समावेश आहे जिथे आयबीएम राज्याला माहिती, कौशल्य आणि अनुभव देऊ शकते, जे राज्याला आपला क्वांटम उपक्रम तयार करण्यास मदत करतील, तसेच वर्कशॉप्स आणि कौशल्य विकास कार्यक्रमांद्वारे राज्याच्या क्वांटम इकोसिस्टमच्या विकासात योगदान देतील.
या सेंटरचे उद्घाटन करताना महाराष्ट्राचे मुख्यमंत्री श्री देवेंद्र फडणवीस म्हणाले, “एआय, क्वांटम कॉम्प्युटिंग आणि सेमीकंडक्टर्सच्या मदतीने आम्ही विकसित महाराष्ट्र आणि विकसित भारत निर्माण करत आहोत.हे तंत्रज्ञान सर्व क्षेत्रांमध्ये शाश्वतता आणि कार्यक्षमता वाढवू शकते, वाढ आणि प्रगतीसाठी नवीन संधी निर्माण करू शकते.आयबीएमसोबतच्या आमच्या सहकार्याद्वारे, आम्ही क्वांटम इनोव्हेशनचा वापर जीवन परिवर्तनासाठी करू, त्याच वेळी त्याचे फायदे लोकशाहीकृत करण्यासाठी आणि राज्यातील प्रत्येक नागरिकासाठी ते उपलब्ध करून देण्यासाठी कुशल प्रतिभा समूह तयार करू.”
हॅन्स डेकर्स, जनरल मॅनेजर, आयबीएम एशिया पॅसिफिक म्हणाले, “आयबीएम इंडिया क्लायंट एक्सपिरीयन्स सेंटर भारतातील एआय, हायब्रिड क्लाऊड आणि क्वांटम कम्प्युटिंग क्षेत्रातील प्रगतीस मदत करण्याच्या आमच्या वचनबद्धतेला बळकट करते. महाराष्ट्र सरकारला त्यांचा स्वतःचा सक्षम आणि प्रगत क्वांटम इकोसिस्टम तयार करण्यास मदत करण्याची आमची इच्छा हे आमच्या वचनबद्धतेचे उदाहरण आहे.”
संदीप पटेल, मॅनेजिंग डायरेक्टर, आयबीएम इंडिया आणि साऊथ एशिया म्हणाले, “देशाच्या राष्ट्रीय क्वांटम मिशन आणि ‘विकसित भारत’च्या उद्दिष्टांनुसार, राज्यात क्वांटम कम्प्युटिंग कौशल्ये वाढवण्यासाठी महाराष्ट्र सरकारसोबत काम करण्याची संधी मिळाल्याचा आयबीएमला आनंद आहे.”
आयबीएम इंडिया एक्सपिरीयन्स सेंटर हे मुंबईमधील आयबीएम इंडियाच्या नवीन ऑफिसमध्ये स्थित असेल आणि हे एक डायनॅमिक स्पेस असेल जिथे आयबीएम एक्सपर्ट, ग्राहक आणि भागीदार एकत्र येऊन भारताच्या व्यवसायातील अनोख्या आव्हानांसाठी सोल्यूशन्स तयार करतील. येथे एआय (ज्यात वॉटसनक्स प्लॅटफॉर्म समाविष्ट आहे), डेटा आणि ऑटोमेशन, सायबरसुरक्षा, हायब्रिड क्लाऊड, आणि कन्सल्टिंगच्या माध्यमातून होणारे परिवर्तन यांसारख्या आयबीएम च्या संपूर्ण पोर्टफोलिओतील सेवांचा अनुभव घेता येईल.
Comments are closed.