इन्व्हेस्को म्युच्युअल फंडचा इन्व्हेस्को इंडिया फार्मा अँड हेल्थकेअर फंड

एनएफओ सुरू: 18 ऑगस्ट 2026; बंद: 1 सप्टेंबर 2026

नाशिक: एनजीएन न्यूज नेटवर्क

इन्व्हेस्को म्युच्युअल फंडने आज इन्व्हेस्को इंडिया फार्मा अँड हेल्थकेअर फंड (फार्मा, आरोग्यसेवा आणि संबंधित क्षेत्रांमध्ये गुंतवणूक करणारी ओपन-एंडेड इक्विटी योजना) सुरू करण्याची घोषणा केली.भारतातील आरोग्यसेवा क्षेत्राची बदलती आणि विकसित होत असलेली यंत्रणा लक्षात घेऊन त्याचा फायदा घेण्याचा या फंडाचा उद्देश आहे. लोकसंख्येची अनुकूलता, आरोग्यसेवांची वाढती उपलब्धता, विम्याची वाढती जागरूकता, औषधनिर्माण क्षेत्रात जागतिक स्तरावर भारताचे वाढते वर्चस्व आणि आरोग्यसेवा तसेच लाइफ सायन्सेस क्षेत्रातील नावीन्यपूर्ण संशोधनावर आधारित संधी यामुळे ही परिसंस्था आकारास येत आहे. औषधनिर्माण कंपन्या, रुग्णालये, निदान केंद्रे, कंत्राटी विकास आणि उत्पादन संस्था, कंत्राटी संशोधन संस्था, वैद्यकीय उपकरणे, आरोग्यसेवा, विमा आणि आरोग्यसेवेशी संबंधित इतर क्षेत्रांमध्ये ही योजना गुंतवणूक करेल.

प्रचंड विस्तार, कुशल मनुष्यबळ, उत्पादन क्षमता आणि नावीन्यपूर्ण उपक्रमांमधील वाढती उपस्थिती यांच्या जोरावर जागतिक आरोग्यसेवा परिसंस्थेत भारताचे आज एक महत्त्वाचे स्थान आहे. आरोग्यसेवेवरील वाढता खर्च, वृद्धत्वाकडे झुकणाऱ्या लोकांची संख्या, जीवनशैलीशी संबंधित आजारांचे वाढते प्रमाण, आरोग्य विम्याची विस्तारणारी व्याप्ती, पायाभूत सुविधांचा विकास आणि जागतिक स्तरावर वाढणारा आउटसोर्सिंगचा कल असे महत्त्वाचे घटक आरोग्यसेवा क्षेत्रातील संपूर्ण मूल्य-साखळीमध्ये दीर्घकालीन संधी निर्माण करतील अशी अपेक्षा आहे.या फंडाचे व्यवस्थापन श्री. आदित्य खेमानी करतील आणि बीएसई हेल्थकेअर टीआरआय हा या फंडासाठी बेंचमार्क असेल.

या शुभारंभप्रसंगी इन्व्हेस्को म्युच्युअल फंडाचे इक्विटी आणि फंड मॅनेजर, श्री. आदित्य खेमानी म्हणाले, “भारताचे आरोग्यसेवा क्षेत्र हे सध्या परिवर्तनाच्या टप्प्यात आहे. अनुकूल लोकसंख्या परिस्थिती आणि आवाक्यातील परिस्थितीमुळे देशात केवळ आरोग्यसेवेचा वापर वाढता आहे, असे नाही, तर जागतिक औषधनिर्माण आणि आरोग्यसेवा नवोपक्रमाचे केंद्र म्हणूनही देश आपले स्थान मजबूत करत आहे. देशांतर्गत फार्मा, रुग्णालये, निदान, सीडीएमओ आणि उदयोन्मुख आरोग्यसेवा क्षेत्रांमध्ये आम्हाला आकर्षक संधी दिसत आहेत, ज्यांना या दीर्घकालीन विकास चक्राचा संभाव्य फायदा होऊ शकतो. आरोग्यसेवा परिसंस्थेमध्ये शाश्वत स्पर्धात्मक फायदे आणि वाढीची स्पष्ट शक्यता असलेल्या दर्जेदार व्यवसायांना ओळखण्यावर आमचा गुंतवणुकीचा दृष्टिकोन लक्ष केंद्रित करेल.”

एनएफओ दरम्यान एकरकमी गुंतवणुकीची किमान रक्कम ₹1,000/- असून त्यानंतर ती ₹1/- च्या पटीत असेल. एसआयपी गुंतवणुकीसाठी, अर्जाची किमान रक्कम ₹100/- असून त्यानंतर ती ₹1/- च्या पटीत असेल. युनिट्सचे वाटप झाल्याच्या तारखेपासून 3 महिने किंवा त्यापूर्वी युनिट्स रिडीम (परत करणे) किंवा स्विच-आउट केल्यास, फंडद्वारे 0.50% एक्झिट लोड आकारला जाईल. 3 महिन्यांनंतर युनिट्स रिडीम किंवा स्विच-आउट केल्यास कोणताही एक्झिट लोड आकारला जाणार नाही.

ही न्यू फंड ऑफर (एनएफओ) आजपासून (18 ऑगस्ट 2026) गुंतवणुकीसाठी खुली झाली असून ती 1 सप्टेंबर 2026 रोजी बंद होईल.