नाशिक दुग्धस्पर्धेत संगमनेरच्या शेतकऱ्याने पटकावला दुहेरी मान

सूरज शिंदे यांच्या दोन गाईंचे अनुक्रमे ४२.३ लिटर आणि ४२.२ लिटर दूध उत्पादन

नाशिक : एनजीएन न्यूज नेटवर्क

अहमदनगर जिल्ह्यातील संगमनेर येथील दुग्धशेतकरी सूरज बाळासाहेब शिंदे यांनी नाशिक जिल्ह्यातील सिन्नर येथे आयोजित भव्य पशु–पक्षी प्रदर्शनाच्या अनुषंगाने झालेल्या दुग्धस्पर्धेत उल्लेखनीय यश संपादन केले. स्पर्धेत त्यांच्या दोन गाईंनी अनुक्रमे ४२.३ लिटर आणि ४२.२ लिटर दूध उत्पादन करत प्रथम व द्वितीय क्रमांक पटकावला. या गायी गोदरेज कॅटल जेनेटिक्स फार्म येथून खरेदी करण्यात आल्या होत्या.

यावेळी बोलताना सूरज शिंदे म्हणाले, “दोन वर्षांपूर्वी अल्प गुंतवणुकीत शेताची उत्पादकता वाढवण्यासाठी मी गोदरेज कॅटल जेनेटिक्सकडून २२ जनावरे खरेदी केली. त्यानंतर त्यांच्या पशुवैद्यकांच्या टीमने रेशन बॅलन्सिंग, टोटल मिक्स्ड रेशन (TMR) आणि गट व्यवस्थापन यांसारख्या उत्तम शेत व्यवस्थापन पद्धतींबाबत सातत्याने मार्गदर्शन केले. गोदरेज धनलक्ष्मी यांसारख्या दर्जेदार खाद्य, उत्कृष्ट जाती आणि तांत्रिक सहाय्याच्या बळावर जनावरांचे आरोग्य सुधारले, दूध उत्पादन वाढले आणि खाद्यखर्चातही बचत झाली. याचाच परिणाम म्हणून मला ही स्पर्धा जिंकता आली.”

रेशन बॅलन्सिंग म्हणजे हिरवा चारा, सुका चारा आणि संमिश्र खाद्य यांचे योग्य प्रमाणात मिश्रण करून जनावरांना आवश्यक पोषणद्रव्ये देणे. टोटल मिक्स्ड रेशन (TMR) पद्धतीत ही सर्व घटक एकसारख्या मिश्रणात तयार केली जातात, ज्यामुळे प्रत्येक घासात समान पोषण मिळते. गट व्यवस्थापन म्हणजे वय, वजन किंवा दूध उत्पादनाच्या आधारावर जनावरांचे स्वतंत्र गट करून त्यांना योग्य खाद्य व निगा देणे. या सर्व पद्धतींमुळे जनावरांचे आरोग्य सुधारते, दूध उत्पादन वाढते आणि शेत व्यवस्थापन सुलभ होते.

उत्तम शेती पद्धतींच्या गरजेवर भाष्य करताना कॅप्टन (डॉ.) ए. वाय. राजेंद्र, मुख्य कार्यकारी अधिकारी – अ‍ॅनिमल अ‍ॅण्ड अ‍ॅक्वा फीड बिझनेस, गोदरेज अ‍ॅग्रोव्हेट लिमिटेड, म्हणाले, “सूरज शिंदे यांचा अनुभव दाखवतो की उत्कृष्ट जनुकशास्त्र, संतुलित पोषण आणि शास्त्रीय शेत व्यवस्थापनामुळे दूध उत्पादनात लक्षणीय वाढ होते. गोदरेज अ‍ॅग्रोव्हेटमध्ये आम्ही केवळ पशुखाद्य पुरवठ्यावर मर्यादित न राहता, प्रत्यक्ष शेतावर सल्ला व मार्गदर्शन देऊन शेतकऱ्यांना जनावरांचे आरोग्य सुधारण्यास आणि दीर्घकालीन, फायदेशीर उत्पादन साध्य करण्यास मदत करतो.”

उत्कृष्ट जनुकशास्त्र, संतुलित पोषण आणि आधुनिक शेत व्यवस्थापन तंत्रांचा संगम साधून सूरज शिंदे यांसारखे शेतकरी उत्पादनक्षमता व नफ्याच्या बाबतीत नवे मापदंड प्रस्थापित करत आहेत.