आयसीआयसीआय प्रुडेन्शियल लाइफने लॉन्च केला एक नवीन फंड

• फंडची रक्कम भारताच्या अर्थव्यवस्थेतील 20 पेक्षा अधिक प्रमुख क्षेत्रांमध्ये गुंतवली जाईल

• गुंतवणूकदारांना दीर्घकालीन संपत्ती निर्माण करण्यासाठी नियमाधारित इक्विटी गुंतवणुकीची संधी दिली जाईल

• बीएसई इंडिया सेक्टर लीडर्स इंडेक्स वर आधारित पासिव्ह इंडेक्स फंड

नाशिक: एनजीएन न्यूज नेटवर्क

आयसीआयसीआय प्रुडेन्शियल लाइफ इन्शुरन्स कंपनी लिमिटेडने आपल्या लोकप्रिय युनिट लिंक्ड इन्शुरन्स प्लॅन्स (युलिप) अंतर्गत आयसीआयसीआय प्रु सेक्टर लीडर्स इंडेक्स फंड हा एक नवीन फंड लॉन्च केला आहे. या फंडाचा उद्देश भारतीय अर्थव्यवस्थेच्या 20 पेक्षा अधिक प्रमुख क्षेत्रांमधील आघाडीच्या कंपन्यांमध्ये गुंतवणूक करून ग्राहकांना एक तयार इक्विटी पोर्टफोलिओ उपलब्ध करून देणे हा आहे.

हा फंड अशा गुंतवणूकदारांसाठी तयार केला आहे जे इक्विटीमध्ये सोप्या, नियमांवर आधारित पद्धतीने गुंतवणूक करू इच्छितात. यामध्ये गुंतवणूकदारांना स्वतंत्र शेअर्स निवडण्याची गरज न पडता बाजारातील प्रमुख कंपन्यांमध्ये सहज गुंतवणूक करता येते. हा फंड त्या लोकांसाठी योग्य आहे जे पासिव्ह गुंतवणूक धोरणाला प्राधान्य देतात, दीर्घकालीन गुंतवणुकीसाठी मुख्य इक्विटी वाटप तयार करू इच्छितात आणि विविध कंपन्यांमध्ये गुंतवणुकीचे संतुलन राखू इच्छितात.

आयसीआयसीआय प्रु सेक्टर लीडर्स इंडेक्स फंड हा पासिव्ह, इंडेक्स-आधारित फंड आहे जो बीएसई इंडिया सेक्टर लीडर्स इंडेक्सचे अनुसरण करतो. काही वेळा नियमांमुळे या फंडला इंडेक्समधील सर्व शेअर्स त्यांच्या योग्य वजनानुसार गुंतवता येणार नाहीत. त्यामुळे थोडा ट्रॅकिंग एरर होऊ शकतो. इंडेक्स फंड अंतर्गत मिळणारे लाभांश पुन्हा फंडमध्येच गुंतवले जातील, ज्यामुळे दीर्घकाळात ग्राहकांची फंड व्हॅल्यू वाढण्यास मदत होईल. कंपनीच्या सिल्व्हर जुबिली वर्षानिमित्त हा फंड सुरू करण्यात आला असून सध्या गुंतवणुकीसाठी खुला आहे.

हा फंड आपल्या एकूण मालमत्तेतील 95 ते 100% रक्कम बीएसई इंडिया सेक्टर लीडर्स इंडेक्समधील इक्विटी शेअर्समध्ये गुंतवेल. उर्वरित 5% रक्कम नियमांनुसार तरलता आवश्यकतेसाठी, डेट म्युच्युअल फंडांच्या युनिट्ससह कर्ज व मनी मार्केट साधनांमध्ये, गुंतवली जाईल. किमान गुंतवणुकीची रक्कम 1,000 रुपये आहे आणि लागू असल्यास स्टॅम्प ड्युटीच्या अधीन राहून पुढील गुंतवणूक करता येईल.

फंडच्या लॉन्चबाबत बोलताना, श्री. मनीष कुमार, चीफ इन्वेस्टमेंट ऑफिसर, आयसीआयसीआय प्रुडेन्शियल लाइफ इन्शुरन्स कंपनी लिमिटेड, म्हणाले,“आयसीआयसीआय प्रु सेक्टर लीडर्स इंडेक्स फंड गुंतवणूकदारांना भारताच्या दीर्घकालीन वाढीचा फायदा घेऊन संपत्ती निर्माण करण्याचा सोपा आणि प्रभावी मार्ग देतो. हा फंड विविध क्षेत्रांतील आघाडीच्या कंपन्यांमध्ये गुंतवणूक करेल. एका नियमाधारित पोर्टफोलिओमध्ये 20 पेक्षा अधिक क्षेत्रांतील मजबूत कंपन्यांना एकत्र आणून, हा इंडेक्स फंड शेअर्स निवडण्याची गुंतागुंत कमी करतो आणि अर्थव्यवस्थेतील सर्वात प्रभावशाली कंपन्यांमध्ये विविध गुंतवणुकीची संधी देतो.

क्षेत्रीय बदल आणि चढ-उतारांनी बाजार प्रभावित होत असताना हा इंडेक्स-आधारित दृष्टिकोन गुंतवणुकीच्या प्रक्रियेत स्पष्टता, शिस्त आणि सातत्य आणतो. दीर्घकाळात महागाईपेक्षा जास्त परतावा देण्याची क्षमता फक्त इक्विटीमध्येच असते. आमच्या सर्व युनिट-लिंक्ड बचत उत्पादनांमध्ये उपलब्ध असलेला हा फंड दीर्घकालीन गुंतवणूकदारांसाठी मजबूत कोर इक्विटी वाटप म्हणून काम करतो आणि बाजारातील चढ-उतारांमध्येही गुंतवणूक टिकवून ठेवण्यास व खर्च-कुशल मार्गाने संपत्ती वाढवण्यास मदत करतो.

युनिट-लिंक्ड उत्पादने त्यांच्या रचनेमुळे दीर्घकालीन संपत्ती निर्मितीस मदत करतात आणि निवृत्ती नियोजन, मुलांच्या शिक्षणासाठी निधी उभारणी यांसारखी महत्त्वाची जीवन उद्दिष्टे साध्य करण्यासाठी खर्च व करदृष्ट्या फायदेशीर मार्ग देतात.”

आयसीआयसीआय प्रु सेक्टर लीडर्स इंडेक्स फंड हा आयसीआयसीआय प्रु सिग्नेचर अ‍ॅश्युअर, स्मार्टकिड अ‍ॅश्युअर, आयसीआयसीआय प्रु स्मार्ट इन्शुरन्स प्लॅन प्लस (एसआयपी+) यांसारख्या कंपनीच्या लोकप्रिय युलिप उत्पादनांमध्ये उपलब्ध आहे, अधिक माहितीसाठी www.iciciprulife.com या संकेतस्थळाला भेट द्या.