महाराष्ट्रात सार्वजनिक क्षेत्रातील तेल विपणन कंपन्यांकडून अखंड इंधन पुरवठा

• जागतिक परिस्थिती बदलली तरी भारताची गती कायम

नाशिक: एनजीएन न्यूज नेटवर्क

इंडियनऑइल महाराष्ट्र राज्यभर अखंड संचालन आणि लॉजिस्टिक्स समन्वय सुनिश्चित करत असून प्रत्येक ग्राहकासाठी दररोज पेट्रोल (एमएस), डिझेल (एचएसडी) आणि एलपीजीची अखंड उपलब्धता कायम ठेवत आहे.भारतामधील नागरिकांच्या प्रत्येक सामान्य दिवसामागे सार्वजनिक क्षेत्रातील तेल विपणन कंपन्यांची (पीएसयू ओएमसी) 24X7 असामान्य तयारी कार्यरत असते आणि वाढीची आकडेवारी याचीच साक्ष देते. महाराष्ट्रात मे 2026 दरम्यान मागील वर्षाच्या याच कालावधीच्या तुलनेत पेट्रोल (एमएस) किरकोळ विक्रीत 22% वाढ नोंदविण्यात आली आहे, तर डिझेल (एचएसडी) किरकोळ विक्रीत 33% ची मजबूत वाढ झाली आहे. इतर पुरवठादारांच्या तुलनेत असलेल्या किंमत फरकामुळे संस्थात्मक आणि व्यावसायिक ग्राहक इंडियनऑइल रिटेल आउटलेट्सकडे वळत असून तसेच हंगामी शेतीविषयक कामकाजामुळे मागणीत वाढ होत आहे.

भारताच्या अखंड गतिमानतेमागे एक असे नेटवर्क कार्यरत आहे जे कधीही थांबत नाही —शेतांपासून महामार्गांपर्यंत,डोंगराळ भागांपासून किनारपट्टीपर्यंत,दुर्गम प्रदेशांपासून आव्हानात्मक सीमांपर्यंत, अनिश्चित जागतिक परिस्थितीतही इंडियनऑइल अखंड इंधन पुरवठा सुनिश्चित करत आहे.इंडियनऑइल पुन्हा एकदा स्पष्ट करते की देशभरात पेट्रोल, डिझेल आणि एलपीजीचा पुरेसा साठा उपलब्ध आहे.सुरळीत,अखंड आणि सातत्यपूर्ण इंधन पुरवठा कायम ठेवण्यासाठी सर्व आवश्यक उपाययोजना करण्यात येत असून, ही कार्यवाही सेवा सातत्य आणि सामूहिक जबाबदारीच्या भावनेतून प्रेरित आहे.नागरिकांना विनंती करण्यात येते की त्यांनी नेहमीप्रमाणेच खरेदीचे व्यवहार सुरू ठेवावेत आणि अनावश्यक घबराटीतून इंधनाची अतिरिक्त खरेदी टाळावी. देश विश्वासावर चालतो — आणि आम्ही बांधिलकीवर. इंधन उपलब्धतेसंदर्भातील अचूक माहितीसाठी ग्राहकांनी केवळ इंडियनऑइल आणि अधिकृत संस्थांकडून जारी करण्यात आलेल्या अधिकृत माहितींवरच विश्वास ठेवावा.