‘सेंट फ्रान्सिस’ विद्यार्थ्यांचा वाहतूक उद्यानात अनुभवात्मक शैक्षणिक उपक्रम

रस्त्यावरील सुरक्षिततेबाबत जनजागृती व्हावी, या उद्देशाने भेट

नाशिक : एनजीएन न्यूज नेटवर्क

येथील सेंट फ्रान्सिस हायस्कूल, राणेनगर येथील इयत्ता पाचवीच्या विद्यार्थ्यांनी शुक्रवार दि. ६ फेब्रुवारी रोजी वाहतूक उद्यान (Traffic Park) येथे शैक्षणिक सहल आयोजित केली होती.

या भेटीचा उद्देश विद्यार्थ्यांना वाहतुकीचे नियम प्रत्यक्ष अनुभवातून समजावेत, वाहन चालवताना नियमांचे पालन करण्याचे महत्त्व कळावे तसेच रस्त्यावरील सुरक्षिततेबाबत जनजागृती व्हावी, हा होता.
ही सहल विद्यार्थ्यांच्या वर्गातील अभ्यासाला पूरक ठरली असून, वाहतूक नियमांचे प्रत्यक्ष जीवनातील महत्त्व समजून घेण्याची संधी विद्यार्थ्यांना मिळाली.

विद्यार्थी अत्यंत उत्साही होते. त्यांनी प्रश्न विचारत कर्मचाऱ्यांशी संवाद साधला व वाहतूक नियमांबाबत अधिक माहिती मिळवली.
ही शैक्षणिक सहल अत्यंत यशस्वी ठरली असून, विद्यार्थ्यांना दीर्घकाळ लक्षात राहील असा मौल्यवान अनुभव मिळाला.