विद्यार्थ्यांना प्रत्यक्ष अनुभवातून शिक्षण: मारुती सुझुकी शोरूम भेट

• सेंट फ्रान्सिस हायस्कूल, राणे नगर येथील विद्यार्थ्यांची शैक्षणिक क्षेत्रभेट

नाशिक : एनजीएन न्यूज नेटवर्क

दि. २ फेब्रुवारी २०२६ रोजी नाशिक येथील सेंट फ्रान्सिस हायस्कूल, राणे नगर येथील इयत्ता चौथीच्या विद्यार्थ्यांनी मारुती सुझुकी शोरूमला शैक्षणिक क्षेत्रभेट दिली. या भेटीचा उद्देश विद्यार्थ्यांना वाहन उद्योगाबाबत प्रत्यक्ष व व्यावहारिक माहिती मिळावी, तसेच वाहन उद्योगातील विविध प्रक्रिया समजाव्यात, हा होता.

भेटीदरम्यान विद्यार्थ्यांनी अपघातग्रस्त वाहनांची दुरुस्ती व देखभाल प्रत्यक्ष पाहिली. त्यामुळे वाहन दुरुस्ती व मेंटेनन्स प्रक्रियेतील बारकावे त्यांना समजले. तसेच मारुती सुझुकीच्या नव्या मॉडेल्सची माहिती घेतली. त्या वाहनांमधील वैशिष्ट्ये, आधुनिक तंत्रज्ञान आणि सुविधा यांविषयीही विद्यार्थ्यांना मार्गदर्शन करण्यात आले.

ही क्षेत्रभेट विद्यार्थ्यांच्या वर्गातील अभ्यासाला पूरक ठरली असून, त्यांना प्रत्यक्ष जीवनातील अनुभवातून वाहन उद्योगाची ओळख करून देणारी ठरली. विद्यार्थी या अनुभवाबद्दल अत्यंत उत्साही होते. त्यांनी अनेक प्रश्न विचारत शोरूममधील कर्मचाऱ्यांशी संवाद साधला आणि अधिक माहिती जाणून घेतली.

ही शैक्षणिक क्षेत्रभेट यशस्वी ठरली असून, विद्यार्थ्यांना दीर्घकाळ स्मरणात राहील असा मौल्यवान शिकण्याचा अनुभव मिळाला.