मुंबई/एनजीएन नेटवर्क
शिवसेना ‘उबाठा’ गटाचे प्रमुख उद्धव ठाकरे यांनी आज नाशिक लोकसभा मतदारसंघाचा आढावा घेतला.त्यामध्ये उद्धव ठाकरे यांनी शिवसैनिकांना महत्त्वाच्या सूचना केल्या आहेत. आपल्याला महाविकास आघाडी म्हणून लोकसभा निवडणुकीला सामोरे जायचे आहे. हे करत असताना काही जागांवर पक्षाला तडजोड करावी लागेल, त्याची तयारी ठेवा, असे उद्धव ठाकरे यांनी म्हटले आहे.
पक्षामध्ये फूट पडल्यानंतर नाशिक लोकसभा मतदारसंघात कुठल्या विधानसभा मतदार संघात आपल्या पक्षाची किती ताकद आहे ? याचा आढावा उद्धव ठाकरे यांनी घेतला. नाशिक लोकसभा मतदारसंघात ताकद वाढवण्यासाठी तयारीला लागण्याच्या सूचना उद्धव ठाकरे यांनी दिल्या आहेत. बैठकीला उपस्थित नेते आणि पदाधिकाऱ्यांना त्यांनी मार्गदर्शन केले. महाविकास आघाडीमध्ये लोकसभा निवडणुकीला सामोरे जाताना काही जागांमध्ये पक्षाला तडजोड करावी लागेल त्याची तयारी ठेवा, असे उद्धव ठाकरे यांनी म्हटले आहे. आपल्या पक्षाची ताकद वाढवण्यासाठी बूथ प्रमुख त्यासोबतच इतर पदाधिकाऱ्यांची नेमणूक करून संघटनात्मक ताकद वाढवा, अशा सूचना देखील ठाकरे यांनी केल्या आहेत. मविआ म्हणून लढत असताना काही जागांवर तडजोड करावी लागणार आहे, त्याची तयारी ठेवा, असे उद्धव ठाकरे म्हणाले. त्यामुळे आगामी लोकसभा निवडणुका महाविकास आघाडी म्हणून लढवण्याकडे उद्धव ठाकरेंचा कल असल्याचे दिसून येत आहे.
