निर्मलगंगा बर्ड पार्कला ‘रासबिहारी’च्या विद्यार्थ्यांची भेट

नाशिक : एनजीएन न्यूज नेटवर्क

रासबिहारी इंटरनॅशनल स्कुलच्या इयत्ता चौथीच्या विद्यार्थ्यांनी निर्मलगंगा अ‍ॅग्रो टुरिझम बर्ड पार्क येथे शैक्षणिक सहलीचा आनंद घेतला. या सहलीत पक्ष्यांचे मंजुळ आवाज, पक्ष्यांचा चिवचिवाट आणि रंगीबेरंगी पिसांनी नटलेल्या पक्ष्यांनी विद्यार्थ्यांचे मन मोहून टाकले. हे दृश्य पाहून जणू काही विद्यार्थ्यांनी एका जिवंत रंगीबेरंगी जगात पाऊल ठेवले होते असे भासले.

ही सहल विद्यार्थ्यांच्या पर्यावरण विज्ञानाच्या ‘पक्षी आणि त्यांचे वैशिष्ट्ये’ या धड्याशी अतिशय सुंदरपणे जुळणारी ठरली. विद्यार्थ्यांना प्रत्यक्ष अनुभवातून शिकण्याची संधी मिळाली. त्यांनी पोपट, बुज्झ्या, बोलका आफ्रिकन ग्रे, उंच एमू, विविध पारव्यांचे प्रकार आणि उठावदार टर्की हे पक्षी पाहिले. फक्त पक्ष्यांचे निरीक्षणच नव्हे तर त्यांनी प्रत्येक पक्ष्यांच्या चोच आणि पंज्यांचे वेगळेपणही लक्षपूर्वक पाहिले, ज्यातून त्यांना प्रजातीतील वैशिष्ट्यांची स्पष्ट समज मिळाली.

ही सहल विद्यार्थ्यांसाठी केवळ आनंददायक नव्हती, तर ती एक मनाला भावणारी आणि ज्ञानवर्धक अनुभूती होती.
प्रत्यक्ष निरीक्षण आणि अनुभवातून झालेल्या शिकवणुकीमुळे विद्यार्थ्यांची पक्ष्यांविषयींची सहानुभती वाढली व त्यांच्या
संकल्पना अधिक ठोस झाल्या आणि निसर्गाविषयीची जिज्ञासा आणखी वाढली.