नाशिक रोड/एनजीएन नेटवर्क
मागील दोन दिवसापासून नाशिकरोड परिसरात दुचाकी चारचाकी वाहनांची जाळपोळ, तोडफोड करून परिसरात दहशत निर्माण करण्याचा प्रयत्न करण्यात आला. या पार्श्वभूमीवर गुंडगिरीला चाप लावण्यासाठी पोलिसांनी या गुंडांना चांगलीच अद्दल घडवली आहे. संबंधित गुंडांची भर पावसात चांगली धिंड काढण्यात आली आहे.
जाळपोळ, तोडफोड करणाऱ्या गुन्हेगारांच्या पोलिसांनी मुसक्या आवळल्या आहेत. एवढेच नाही तर त्यांची नाशिकरोड परिसरातून जाहीर धिंड काढण्यात आली आहे. सर्वसामान्य नागरिकांमध्ये निर्माण झालेली गुन्हेगारांची भीती पोलिसांनी दूर करण्याचा पोलिसांनी प्रयत्न केला. सोमवारी आणि मंगळवारी असे सलग दोन दिवस विहितगाव आणि धोंगडे मळा येथील दुचाकी चारचाकी वाहनांची जाळपोळ करून गुन्हेगारांनी दहशत निर्माण केली होती.
