वडोदरा/एनजीएन नेटवर्क
वॉर्डविझार्ड फुड अँड बेव्हरेजेस लि. या खाद्यपदार्थ व बेव्हरेजेस क्षेत्रातील आघाडीच्या कंपन्यांपैकी एक असलेल्या कंपनीने होरेका २०२३ मध्ये नोंदवलेला सहभाग लाभदायी ठरला आहे. कंपनी उत्पादनांना प्रदर्शनात मोठा प्रतिसाद लाभला. सदर प्रदर्शन ५ ते ७ जुलै २०२३ दरम्यान तमिळनाडू येथील कोडीशिया ट्रेड फेयर कॉम्प्लेक्स, कोईम्बतूर येथे भरवण्यात आले होते.
इंडिया होरेका एक्स्पो हे प्रीमियम एक्झिबिशन हॉटेल, रेस्टॉरंट आणि केटरिंग (हो-रे-का) क्षेत्रावर आधारित होते. त्यामध्ये देशभरातून या क्षेत्रातील व्यावसायिक, पुरवठादार, धोरणकर्ते सहभागी झाले. कंपनीने या प्रदर्शनात क्विकशेफ आणि स्नॅक बडीची संपूर्ण रिटेल आणि होरेका उत्पादन श्रेणी सादर केली. त्यामध्ये आरटीई उत्पादने, फ्रोझन उत्पादने, सॉसेस आणि काँडीमेंट्स यांचा समावेश होता. इंडिया होरेका एक्स्पो २०२३ मधल्या सहभागाविषयी वॉर्डविझार्ड फुड्स अँड बेव्हरेजेस लि. च्या अध्यक्ष आणि व्यवस्थापकीय संचालक श्रीमती शीतल भालेराव म्हणाल्या, ‘इंडिया होरेका एक्स्पो २०२३ मध्ये विस्तृत
उत्पादनश्रेणी सादर करताना आम्हाला आनंद झाला. आमचे प्रसिद्ध ब्रँड क्विकशेफ आणि स्नॅक बडी सादर करण्यासाठी तसेच होरेका श्रेणी लाँच करण्यासाठी हे सर्वोत्तम व्यासपीठ राहिले. प्रदर्शनास भेट देणाऱ्यांसमोर आमची नाविन्यपूर्ण आणि दर्जेदार उत्पादने सादर करण्यासाठी तसेच यानिमित्ताने नव्या व्यावसायिक संधींचा लाभ घेण्यात आम्ही यशस्वी ठरलो. कंपनी नव्या बाजारपेठांमध्ये उतरण्यासाठी सज्ज होत असून लवकरच कोईम्बतूरमध्ये आपली उत्पादने उपलब्ध करणार आहे.’
वॉर्डविझार्ड फुड्स अँड बेव्हरेजेसतर्फे ग्राहकांना सोयीस्कर आणि चविष्ट पदार्थ उपलब्ध करून दिले जातात. क्विकशेफची उत्पादने वैविध्यपूर्ण असून त्यात प्रत्येकाला आवडीचे पदार्थ मिळतील याची खात्री करण्यात आली आहे, तर स्नॅक बडीचे सॉसेस कोणत्याही पदार्थाच्या चवीचा स्वाद आणखी खुलवतात. होरेका श्रेणी सादर करून कंपनीने या उद्योगाला दर्जेदार व नाविन्यपूर्ण उत्पादने उपलब्ध करून देण्याची बांधिलकी जपली आहे. इंडिया होरेका एक्स्पो २०२३ मध्ये सहभागी होताना वॉर्डविझार्ड फुड्स अँड बेव्हरेजेसने या उद्योगातील व्यावसायिकांशी संवाद साधण्याचे, नव्या भागिदारी स्थापन करण्याचे तसेच व्यवसाय विस्तारण्याचे ध्येय ठेवले. या प्रदर्शनाच्या यशासाठी योगदान देण्यासाठी कंपनी उत्सुक होती.
वॉर्डविझार्ड फुड्स अँड बेव्हरेजेसविषयी..
@ वॉर्डविझार्ड फुड्स अँड बेव्हरेजेस ही बीएसई नोंदणीकृत कंपनी वडोदरा, गुजरातमधील पोर या गावात वसलेली आहे. कंपनी अनोख्या प्रकारे खाद्यपदार्थांचा व्यवसाय चालवत असून त्यामध्ये उद्योजक वृत्ती आणि पारंपरिक भारतीय स्वाद यांचा मेळ घालण्यात आला आहे. वॉर्डविझार्डद्वारे उपलब्ध केल्या जात असलेल्या उत्पादन श्रेणीमध्ये फ्रोजन फुड्स, रेडी-टु-इट फुड्स, बेव्हरेजेस, मसाले आणि काँडिमेंट्स यांचा समावेश आहे.
