भारतीय क्लाऊड कंपन्यांसाठी नव्या संधी निर्माण होतील : पीयूष सोमानी

नाशिक : एनजीएन न्यूज नेटवर्क

केंद्रीय अर्थमंत्री निर्मला सीतारमण आज देशाचा अर्थसंकल्प मांडला. केंद्र सरकारच्या 2026-27 च्या अर्थसंकल्पाबाबत पीयूष प्रकाशचंद्र सोमानी, प्रमोटर, मॅनेजिंग डायरेक्टर अँड  चेअरमन, ईएसडीएस म्हणाले की “केंद्रीय अर्थसंकल्प 2026–27 हा जागतिक क्लाऊड आणि हायपरस्केल कंपन्यांसाठी भारताकडून दिलेला एक मजबूत आणि दूरदृष्टीचा संदेश आहे — भारतात डेटा सेंटर ऑपरेशन्स उभारा, येथून जगाला सेवा द्या आणि 2047 पर्यंत कर सवलतीचा लाभ घ्या. सिंगापूर, आयर्लंड आणि मध्यपूर्वेसारख्या जागतिक केंद्रांशी स्पर्धा करत भारताला जागतिक क्लाऊड इन्फ्रास्ट्रक्चरचे महत्त्वाचे हब बनवण्याच्या दिशेने हा महत्त्वाचा टप्पा आहे.

ही तरतूद परदेशी कंपन्यांना भारतात डेटा सेंटर स्थापन करण्यासाठी आणि येथून आंतरराष्ट्रीय ग्राहकांना सेवा देण्यासाठी प्रोत्साहन देते, ज्यामुळे भारतात परकीय गुंतवणूक, प्रगत तंत्रज्ञान आणि जागतिक दर्जाच्या पायाभूत सुविधा मोठ्या प्रमाणात येण्यास मदत होईल. अनेक वर्षांपासून कार्यरत असलेल्या भारतीय क्लाऊड कंपन्यांसाठीही यामुळे व्यापक बाजारपेठ आणि नव्या संधी निर्माण होतील.

भारताची स्पर्धात्मक रिअल इस्टेट किंमत, कुशल तांत्रिक मनुष्यबळ, सुधारत असलेली वीज व डिजिटल पायाभूत सुविधा आणि विशाल देशांतर्गत बाजारपेठ या गोष्टी जागतिक कंपन्यांसाठी मोठे आकर्षण आहेत. कर सवलतीमुळे हा प्रस्ताव अधिक मजबूत बनतो आणि भारत जागतिक डेटा सेंटर गुंतवणुकीसाठी पसंतीचे ठिकाण ठरू शकतो.

देशांतर्गत क्लाऊड उद्योगासाठीही ही एक मोठी संधी आहे. जागतिक खेळाडू भारतात क्षमता उभारल्याने पायाभूत सुविधा अधिक सक्षम होतील, हजारो कुशल रोजगार निर्माण होतील, पुरवठा साखळी बळकट होईल आणि भारत एंटरप्राइझ क्लाऊड सेवांसाठी जागतिक स्तरावर अधिक विश्वासार्ह केंद्र म्हणून उदयास येईल. पुढील काळात स्वदेशी कंपन्यांनाही अधिक प्रोत्साहन मिळाल्यास भारताचे क्लाऊड इकोसिस्टम आणखी मजबूत आणि स्पर्धात्मक बनेल.”