नवे पर्वारंभ.. देशात १०० टक्के इथेनॉलवर चालणारी कार दाखल !

नवी दिल्ली/एनजीएन नेटवर्क

केंद्रीय रस्ते वाहतूक आणि महामार्ग मंत्री नितीन गडकरी यांनी मंगळवारी १०० टक्के इथेनॉलवर चालणारी कार लाँच केली. टोयोटा इनोव्हाचे फ्लेक्स फ्लूअल मॉडेल त्यांनी आज सादर केले आहे. आता देशातील रस्त्यावर पहिल्यांदाच शंभरी टक्के इथेनॉलवर कार धावेल. पर्यावरणासाठीही ही कार फायदेशीर ठरेल.

ऊस आणि मका सारख्या घटकांपासून इथेनॉल तयार केले जाते. यामुळेच पेट्रोल-डिझेल इतर देशांतून विकत घेण्यापेक्षा इथेनॉल हा एक चांगला पर्याय आहे. ही देशातील पहिली कार आहे जी पेट्रोल, इथेनॉल आणि इलेक्ट्रिकवर धावले. या कारमध्ये १.८-लिटर पेट्रोल-हायब्रिड इंजिन देण्यात आले आहे. जे २० टक्के ते १०० टक्के इथेनॉल मिश्रणावर धावू शकते. देशात उसाचे मोठ्या प्रमाणावर उत्पादन होत असल्याने इथेनॉलचे उत्पादन मोठ्या प्रमाणावर होऊ शकते. शेती उत्पादनांवर हे इंधन आधारित असल्याने याचा शेतकऱ्यांनाही फायदा होईल असे मानले जात आहे.