‘ऑपरेशन सिंदूर’ मध्ये धाडसी कामगिरी; नाशिकचे कुणाल शिंपी सन्मानित

हवाईदल प्रमुखांच्या हस्ते शौर्य पदक प्रदान

नाशिक : एनजीएन न्यूज नेटवर्क

शहराचे सुपुत्र आणि हवाई दलातील फायटर पायलट ग्रूप कॅप्टन कुणाल विश्वास शिंपी यांनी ‘ऑपरेशन सिंदूर’मध्ये दाखवलेल्या अतुलनीय धाडसाबद्दल त्यांना हवाईदल दिनी वायू सेना (शौर्य)’ पदकाने सन्मानित करण्यात आले.

गेल्या ८ ऑक्टोबरला गाजियाबाद हिंडन येथे हा दिमाखदार सोहळ्यात शिंपी यांचा हवाईदल प्रमुखांच्या हस्ते हा सन्मान झाला. स्वातंत्र्यदिनी राष्ट्रपती कार्यालयातर्फे या पुरस्कारांची घोषणा करण्यात आली होती. ‘ऑपरेशन सिंदूर’ दरम्यान वैशिष्ट्यपूर्ण अचूक, भेदक कामगिरी करून त्यांनी महाराष्ट्राच्या शौर्य परंपरेला उजाळा दिला. संयम, नम्रता आणि उच्च शिस्तीचे प्रतिक असलेले कुणाल शिंपी हे अनेकांचे प्रेरणास्थान ठरले आहेत. नाशिक महापालिकेचे निवृत्त अधिकारी मुरलीधर शिंपी यांचे ते नातू तर रोटेरियन विश्वास शिंपी यांचे ते पुत्र आहेत.