प्रवासी सेवेत सदैव तत्पर : भारतीय रेल्वेची ‘रेल मदत’ ॲप आणि हेल्पलाइन 139

लासलगाव : राकेश बोरा

भारतीय रेल्वेने प्रवाशांच्या सुरक्षेला, सोयीसुविधांना आणि समाधानकारक प्रवास अनुभवाला सर्वोच्च प्राधान्य देत एक मजबूत डिजिटल सहाय्य प्रणाली साकारली आहे. “रेल मदत” या मोबाईल ॲप आणि एकत्रित हेल्पलाइन क्रमांक 139 च्या माध्यमातून प्रवाशांना एकाच ठिकाणी सर्व सेवा व मदत उपलब्ध करून देण्यात आली आहे.

प्रवाशांना मिळणार खालील सुविधा :

• आपत्कालीन सुरक्षा सहाय्य: कुठल्याही आपत्कालीन प्रसंगी तातडीने तक्रार नोंदवून मदत मागवता येते.

• सुव्यवस्थित तक्रार व्यवस्थापन: ट्रेन, स्टेशन, स्वच्छता, खाद्यपदार्थ किंवा इतर बाबींवर तक्रारी नोंदवता येतात आणि त्याचे समाधान मिळवता येते.

• पीएनआर स्थिती, लाईव्ह ट्रेन स्थिती, प्लॅटफॉर्म क्रमांक, स्टेशन सुविधा, तिकीट परतावा माहिती सहजपणे मिळते.

• निगराणी व अभिप्राय: तक्रारीची प्रगती पाहता येते तसेच सेवा गुणवत्तेवर अभिप्राय देता येतो.

“रेल मदत” ॲप Google Play Store आणि Apple App Store वर विनामूल्य उपलब्ध असून, कोणत्याही स्मार्टफोनवर सहज वापरता येतो.

हेल्पलाइन क्रमांक 139 – एक नंबर, सर्व उत्तरं

• भारतीय रेल्वेचा एकत्रित हेल्पलाइन क्रमांक 139 हा एकच नंबर अनेक गरजांसाठी आहे. याच्या माध्यमातून खालील सेवा उपलब्ध आहेत:

• ट्रेन वेळा, तिकिट स्थिती, पीएनआर माहिती यांसारख्या चौकशीसाठी

• वैद्यकीय मदत

• महिला प्रवाशांसाठी विशेष सुरक्षा सहाय्य

• चोरी, हरवलेले सामान, छेडछाड तक्रार

• स्वच्छता व खाद्यसेवा तक्रारी

• जेष्ठ नागरिक व विशेष गरजांच्या प्रवाशांसाठी मदत

ही सेवा कॉल, एसएमएस आणि IVRS (Interactive Voice Response System) द्वारे २४x७ कोणत्याही ठिकाणाहून वापरता येते.