मुंबई/एनजीएन नेटवर्क
शिवप्रतिष्ठानचे संस्थापक संभाजी भिडे यांच्या वादग्रस्त विधानावरुन विधानसभेत आज मोठा गोंधळ पाहायला मिळाला. संभाजी भिडेंच्या विधानाचा विषय आज विधानसभेत मांडण्यात आला. यावेळी भिडे यांच्याविषयी शुक्रवारी विषय आणलेला स्थगन प्रस्ताव नाकारला. आता तो विषय आणता येणार नाही, असे विधानसभा अध्यक्ष राहुल नार्वेकर यांनी म्हटले होते.
संभाजी भिडे प्रकरणावरुन विरोधकांनी चांगलाच गदारोळ केला. दरम्यान उपमुख्यमंत्री देवेंद्र फडणवीस यांनी याप्रकरणी निवेदन सादर केले. यामध्ये अमरावती पोलिसांकडून भिडेंना नोटीस पाठवली असल्याचे ते म्हणाले. संभाजी भिडे यांच्यावर अमरावतीत येथे गुन्हा दाखल केला आहे. यासोबतच सावरकरांच्या अपमानाप्रकरणी कॉंग्रेसचे मुखपत्र ‘शिदोरी’ वर कारवाई होणार असल्याचे फडणवीस यांनी सांगितले.
